白宮咖啡室 (已結業)

呢度其實已經黎過好幾次，坐係樓上既感覺實在太舒服，私隱度極高講番野食先啦，食親都係食All day breakfast，因為個實在太抵。出面一份郁Ｄ都要差唔多$100起跳，而呢度根據你既胃口可以有3個選擇，Dinner set $88連野飲，其實真係好鬼過分呢個價錢。All day breakfast其實大家都知全部都係來貨黎，除左隻蛋之外，所以係我立場黎睇我係在乎個份量。腸、蛋、parma ham、bacon、牛角包、薯餅，而且仲有粟米、茄汁豆同埋沙津，份量一個男人都夠飽。特別要講既係薯餅炸得勁脆身，好想encore多一塊黎食，屋企無炸爐無可能做到而蛋亦都夠滑，完全收貨不過當日油左小小，可能因為成班朋友都食All day，成堆一齊煮落多左油都唔定。根據某研究顯示，藍色類別野食品對香港人黎講係最具殺傷力。而且仲要有埋港女至愛既針筒，完全係相機食先界既皇者。　整體上杯梳打偏甜，但係以相機影先角度黎講既產品，呢杯野飲水準之上。