甄記廚房 (已結業)

曾幾何時, 在太古坊上班, 難得公司又唔限時放飯(此舉乃德政也!), 在少數的早更時段, lunch都會在此解決。最深印象是牛柳粒芝士撈公仔麵。芝士汁濃淡得宜, 質地又不太濕, 美中不足是份量少左d, 我此等大胃女性稍嫌不夠喉(雖然三十分鐘之後會溜死)。牛柳粒記憶所及, 是半梳打貨, 只可淪為配角。無記錯, 呢客下午茶都要廿幾三十蚊架, 鬼叫係o係太古坊咩。個人認為, 此店為太古坊附近最似樣的港式餐廳。收費不過分, 地方企理, 食物對辦...... 不過, 相信日後唔會再有此等機會了。