撈得喜火鍋冰室

營業中

休息中

之前聽過朋友介紹，話元朗呢間「撈得起火鍋冰室」食物質素唔錯，趁今日放假同老公入元朗行街，順便過嚟食過午餐。今日叫咗兩個午餐套餐包主食，餐湯及飲品🥢孜然薯仔牛柳粒飯 $58牛柳粒和薯仔切到一口大小，牛柳粒軟淋，唔會韌，加咗孜然粉，微微辣，更加惹味。🥢金湯酸菜魚薯粉 $60上枱有驚喜，真係好大碗，兩個人都夠食。魚肉超多，配菜仲有酸菜、椰菜花、木耳、支竹，大豆芽，薯粉食落口感爽滑，材料豐富。我唔係好食得辣，都可以接受。餐湯:蓮藕，粟米，紅蘿蔔豬骨湯真材實料，湯底清甜，蓮藕爽口，大大嚿豬骨夠淋又好食，飲得出冇味精。凍檸茶凍檸茶茶味濃，檸檬又夠，叫咗少甜，篤爛啲檸檬，酸酸微甜，最好飲。凍齋啡咖啡香濃，沒有加糖，真正飲到咖啡嘅味道，超正。總結裝修簡潔乾淨，燈光明亮，服務員有禮貌。下次會再來，試下雞煲和火鍋。