碰碰麵撈麵專門店 (已結業)

碰碰麵, 個名同個logo都好得意。落單要自己圈，先揀麵，有蝦子麵，米粉，粉絲同烏冬。然後揀湯，有海鮮湯同胡椒豬骨湯。跟住就係揀餸，好多野揀，有唔同既丸，魚肉春卷，花菇，牛腩等等，有D似車仔麵。唔想自己揀可以叫餐，有咖喱牛肉撈麵，鮑魚撈麵等等幾個餐，包埋前菜同餐飲。雖然佢最出名係蝦子麵，試左友人個碗冇蝦子味，好似冇乜特別，於是叫左秘製醬油撈粉絲。粉絲配埋椰菜，木耳同芽菜,感覺健康。醬汁淡到冇味，粉絲又乾又痴埋一舊舊，份量好細。 唯有加D湯落去一齊食。粉絲咁差，估唔到胡椒豬骨湯幾好喎！ 好香胡椒，辣得好惹味，總算搭救少少印象分。友人話牛腩唔錯，本人覺得准山比較特別，車仔麵唔會食到，佢分喺湯入面上，味道清新，口感幾爽。