影片
更多
2020-06-15
1512 瀏覽
又搵到間良心小店, 新蒲崗Wanna Eat未入門口已大大隻字寫住提供八折優惠予醫護人員!! 咁有heart，點都要試下啦！啱啱尋晚比我家小姐激嬲咗，今晚緊係要同老公出去撐下枱腳慰勞下自己！新蒲崗難得一見裝修雅緻小店，店員態度慇懃，全部都係後生仔，年輕人活力十足，睇得出好用心經營。 餐牌選擇好豐富！焦點飲品：富士山未入門口已被富士山吸引，一杯好鬼靚的檸檬梳打，一嚟到已知道要攪勻先飲，但靚到真係唔捨得郁佢，底部甜，上面係梳打，加埋Cream同埋爆炸糖响面，一攪落去爆炸糖落咗去即火山爆發咁漲哂出嚟，好鬼過癮，我覺得味道幾清新幾好味，唔錯唔錯！講返主菜先～我地2個人叫咗2個主菜加一個小食:👉🏻櫻花蝦雞樅菌炒粉絲必食推介，足料惹味，夠鑊氣。之前以為呢間店只食西餐，估唔到仲有其他中式野~粉絲份量足，以XO醬炒香口美味，配料勁多，推介呀~!👉🏻四季手工薄餅老公好鐘意食pizza，叫咗個四季Pizza，手工薄餅同機制真係好唔同，個皮真係鬆軟得多，配料有蘑菇，橄欖，火腿及三色椒，口感豐富，好好味，份量超大，我地2個人都食唔哂要打包拎走，比老公第二日食個勁好味早餐！👉🏻黃金雞柳以咸蛋包住雞柳脆炸，超開胃
啱啱尋晚比我家小姐激嬲咗，今晚緊係要同老公出去撐下枱腳慰勞下自己！新蒲崗難得一見裝修雅緻小店，店員態度慇懃，全部都係後生仔，年輕人活力十足，睇得出好用心經營。 餐牌選擇好豐富！
焦點飲品：富士山
未入門口已被富士山吸引，一杯好鬼靚的檸檬梳打，一嚟到已知道要攪勻先飲，但靚到真係唔捨得郁佢，底部甜，上面係梳打，加埋Cream同埋爆炸糖响面，一攪落去爆炸糖落咗去即火山爆發咁漲哂出嚟，好鬼過癮，我覺得味道幾清新幾好味，唔錯唔錯！
講返主菜先～我地2個人叫咗2個主菜加一個小食:
👉🏻櫻花蝦雞樅菌炒粉絲
必食推介，足料惹味，夠鑊氣。之前以為呢間店只食西餐，估唔到仲有其他中式野~粉絲份量足，以XO醬炒香口美味，配料勁多，推介呀~!
👉🏻四季手工薄餅
老公好鐘意食pizza，叫咗個四季Pizza，手工薄餅同機制真係好唔同，個皮真係鬆軟得多，配料有蘑菇，橄欖，火腿及三色椒，口感豐富，好好味，份量超大，我地2個人都食唔哂要打包拎走，比老公第二日食個勁好味早餐！
👉🏻黃金雞柳
以咸蛋包住雞柳脆炸，超開胃小食，炸起熱辣辣，好入味，搞到我食唔停口，勁邪惡小食！
👉🏻柚子豆腐
食咗個咁heavy的雞柳，當然要食返個清清地平衡下，豆腐配上柚子好清新，我個人非常偏愛的豆腐，推介！
小食座位不多，如果大家想試，真係要早小小打去訂位啦～
張貼
