南龍冰室 (已結業)

印象中已經寫過南龍冰室好幾篇, 但每一次幫襯過後, 還是有一點衝動將它記下,或許不想用太多的文字去描述, 就交給相機食先。銅鑼灣區我唯一喜歡的茶餐廳, 因為這裡是小數提供新鮮麵包出爐既茶餐廳, 其實賣呢啲下欄野, 十元八塊一個麵包, 唔賺得多, 但往往令客人吃得好開心。我心唸如果個個客人都好似我一樣雀仔胃, 午飯時間食個雞批飲杯奶茶又當一餐, 我唸間茶餐廳應該摺左九世。呢餐我只係用左廿四蚊, 仲平過一杯星星咖啡。雞批送上枱是已聞到香噴噴的牛油味, 賣相也是原整無缺。不知何時開始當看到批上的十字形花便肯定這個是雞批, 大概是行內人將批分類的記號 。我用叉在批面一篤, 牛油皮已被破開, 錎看到料十分豐富, 有雞肉粒, 火腿和白汁, 吃下去時多了一分薯蓉的粉糯感, 加上牛油皮香脆鬆化, 實在是極品。我習慣吃完後才喝奶茶, 所以難免會放涼了小許。但仍然能看到紅茶和花奶撞出來的效果, 可能看慣咖啡拉花的你, 不懂欣賞得這些本土文化, 不要緊.... 每人也有不同喜好, 各式其式。這個溫度可以大啖喝下, 而茶味濃郁沒有苦澀感, 花奶和茶的比例恰到好處,花奶並無搶去茶味, 唯一要挑剔的是口感方面稱不