影片
更多
2009-09-29
7 瀏覽
29-9-2009之前睇過關於呢度的 fusion 車仔麵食評, 幾有興趣, 趁呢日 lunch 又到上環開餐搵路嚟試試. 對兩款「是日午餐」無興趣, 叫了牛柳粒 + 泰式雞柳 + 腐皮卷, 配蕃茄雜菜湯底的米通粉 (3 餸粉麵 $32), 加杯凍奶茶 (+ $6).先嚟奶茶, 奶味 vs 茶味約 6:4, 甜度我覺得稍高, 但質地出奇地滑溜, 味道亦似台式奶茶多過港式, 又幾好飲喎. 蕃茄雜菜湯: 味道較單調, 只有「茄膏」的酸嗆, 比港式西餐廳的羅宋湯 /「紅湯」稍遜, 可以更好.「米通粉」: 即「通心米線」, 粗如通菜莖 食落無預期的米香, 不過口感 QQ 的, 又有湯底流入內, 味道都 ok.腐皮卷: 腍腍的, 口感有點似碗仔翅魚肉, 帶強烈「五香」味, 食落唔知點解覺得好「福建」feel...牛柳粒: 夠腍, 面頭的大量蒜粉亦夠味, 不過 d 粉索晒 d 湯搞到濕溼溼一團團嘢咁樣, 幾核突.泰式雞柳: 所謂「泰式」其實只係喺雪藏雞扒上灑點辣椒粉 (定七味粉?), 雞扒夠腍但雪味去唔清, 百分百把鬼之作. 環境係茶餐廳格局, 算乾淨企理; 阿姐就夠快夠準, 態度
之前睇過關於呢度的 fusion 車仔麵食評, 幾有興趣, 趁呢日 lunch 又到上環開餐搵路嚟試試. 對兩款「是日午餐」無興趣, 叫了牛柳粒 + 泰式雞柳 + 腐皮卷, 配蕃茄雜菜湯底的米通粉 (3 餸粉麵 $32), 加杯凍奶茶 (+ $6).
先嚟奶茶, 奶味 vs 茶味約 6:4, 甜度我覺得稍高, 但質地出奇地滑溜, 味道亦似台式奶茶多過港式, 又幾好飲喎.
蕃茄雜菜湯: 味道較單調, 只有「茄膏」的酸嗆, 比港式西餐廳的羅宋湯 /「紅湯」稍遜, 可以更好.
「米通粉」: 即「通心米線」, 粗如通菜莖 食落無預期的米香, 不過口感 QQ 的, 又有湯底流入內, 味道都 ok.
腐皮卷: 腍腍的, 口感有點似碗仔翅魚肉, 帶強烈「五香」味, 食落唔知點解覺得好「福建」feel...
牛柳粒: 夠腍, 面頭的大量蒜粉亦夠味, 不過 d 粉索晒 d 湯搞到濕溼溼一團團嘢咁樣, 幾核突.
泰式雞柳: 所謂「泰式」其實只係喺雪藏雞扒上灑點辣椒粉 (定七味粉?), 雞扒夠腍但雪味去唔清, 百分百把鬼之作.
環境係茶餐廳格局, 算乾淨企理; 阿姐就夠快夠準, 態度亦 ok, lunch hour 招呼算唔錯了.
$38 埋單, 可以一試, 不過是日揀的配料全屬濃味, 撞埋同樣濃味的蕃茄湯底, 效果其實麻麻哋 o_O, 下次嚟的話都係清淡一點較好.
張貼
