影片
更多
2012-12-17
172 瀏覽
團購瘋系列 – 發現近排 KFC 每逢有新產品推出，都會和團購公司合作，提供折扣優惠，以作推廣，就好像前一陣子推售的「思家醬油」和「鮮茄菠蘿」封味錫紙烤雞都有做網購，而最新推出的團購優惠就是近日連電視都賣緊廣告的「蜂蜜脆雞粟米片篇」套餐。其實初頭還以為這「蜂蜜脆雞」只是一款番兜舊作，就像老麥般，把黑椒漢堡、將軍漢堡等套餐，翻炒完一次又一次。記得去年聖誕，KFC 亦曾推出過一款「蜂麥脆雞」，以雞件蘸上粒粒燕麥炸漿，外層再塗上薄薄蜜糖，即「蜂蜜夾燕麥」的新組合，幾有創意；所以當今次 KFC 推出這款「蜂蜜脆雞粟米片篇」套餐 ($45) 時，若不是網友提點，差點還以為是重推舊作，雖然這次都是換湯不換藥，但就已把燕麥換成澳洲粟米片。講番個套餐，內裡包括蜂蜜脆雞 4 件，另配家鄉雞皇飯 (大) 1 客及巴辣雞粒 1 盒，陣容稱不上豐富。先說幾件蜂蜜脆雞，其實係包括雞上髀及雞下髀各 2 件，據稱製作是先以傳統配方家鄉雞加入粒粒粟米片，再於面層掃上蜜糖，雞肉因吸收了蜂蜜的精華，吃起來會特別甜美。品嚐過後，發覺幾件蜂蜜脆雞，雞件面層佈滿蜜糖，入口甜絲絲的，味道非常甜美，而且依附著的粒
記得去年聖誕，KFC 亦曾推出過一款「蜂麥脆雞」，以雞件蘸上粒粒燕麥炸漿，外層再塗上薄薄蜜糖，即「蜂蜜夾燕麥」的新組合，幾有創意；所以當今次 KFC 推出這款「蜂蜜脆雞粟米片篇」套餐 ($45) 時，若不是網友提點，差點還以為是重推舊作，雖然這次都是換湯不換藥，但就已把燕麥換成澳洲粟米片。
講番個套餐，內裡包括蜂蜜脆雞 4 件，另配家鄉雞皇飯 (大) 1 客及巴辣雞粒 1 盒，陣容稱不上豐富。先說幾件蜂蜜脆雞，其實係包括雞上髀及雞下髀各 2 件，據稱製作是先以傳統配方家鄉雞加入粒粒粟米片，再於面層掃上蜜糖，雞肉因吸收了蜂蜜的精華，吃起來會特別甜美。
品嚐過後，發覺幾件蜂蜜脆雞，雞件面層佈滿蜜糖，入口甜絲絲的，味道非常甜美，而且依附著的粒粒脆甜粟米片，香脆過癮，口感不俗；只可惜這份甜美，只流於表面，沒有甜到入心，皆因內裡雞肉，咬落蜜糖味頗淡，幸而肉質的確唔錯，皮脆肉嫩，肉汁豐盈，更被老公評為是 KFC 近年佳作，非常滋味。
至於家鄉雞皇飯，個樣都算有誠意，似模似樣，起碼雞肉、紅蘿蔔、薯仔粒樣樣有齊，而且白汁分量亦無偷工減料，唔會食到尾成個飯乾爭爭，算做交足貨。反而盒巴辣雞粒就有點令人失望，雖然係入口無骨，但雞肉好嚡口，絕對講唔上嫩滑，而且 size 大小不一，雞粒數量亦甚少，口感更稱不上豐富，寧願換個新鮮熱辣的葡撻或吃起來滿是牛油香氣的香蜜鬆餅好過。
據說「蜂蜜脆雞」推廣期只是去到 2013 年 1 月 3 日，有興趣的話，大可不妨一試。張貼
