影片
更多
2019-05-20
795 瀏覽
早午晚餐一剔過！上水淪陷，滿街自由行拖喼密密麻麻。我想食碗麵之麻，兩點幾間間爆場！車仔麵、米線、潮州粉麵無一幸免，被迫走到老遠的街市搵食。紅色旅遊預警，非必要就唔好前往上水火車站一帶，車站、商場、街道、食肆、超市、餅店、街市、等等，無一例外嚴重淪陷。街市每分每刻都高朋滿座，搵位都要花點時間，好采我一個人攝個位都好易。人越大抗獨能力越強，我的午餐，對自己要好，食得要好！發掘街市隱世美食，獨闖龍潭！走到二樓掟個靚彎遇上何俊記，就由您開始吧！眼見這裡都有好幾間食店供應燒味，張來再續一擊破。還以為只得燒味供應，原來什麼都有喎。車仔麵、盅頭蒸飯、出前一丁、咖喱、炒粉麵飯、廣東小菜碟頭飯、等等等等，應有盡有。新品上市白滷水，到底什麼是白滷水呢？有鵝掌、鵝翼、豬肚、燻碲供應。舉頭望望牆上餐牌，誰是火雞賢啊？老闆還是保安？宿醉暈到兩點先爬落街食野，凍檸樂定時斷片回魂 coke，宿醉一筆清？食飽飽腸胃舒服一丁點。嬸嬸們個個笑面迎人，十分有禮熱情主動。四眼嬸嬸見我食雙髀飯還連聲多謝，咪鬼咁客氣啦，搞到我紅都面晒咯。燒味只吃髀的我，非髀不愛，認住我喇！四眼嬸嬸隨即盛著雙髀飯送到，嚷著碟雙髀飯靚到不得了，快快
街市每分每刻都高朋滿座，搵位都要花點時間，好采我一個人攝個位都好易。人越大抗獨能力越強，我的午餐，對自己要好，食得要好！發掘街市隱世美食，獨闖龍潭！走到二樓掟個靚彎遇上何俊記，就由您開始吧！眼見這裡都有好幾間食店供應燒味，張來再續一擊破。
還以為只得燒味供應，原來什麼都有喎。車仔麵、盅頭蒸飯、出前一丁、咖喱、炒粉麵飯、廣東小菜碟頭飯、等等等等，應有盡有。新品上市白滷水，到底什麼是白滷水呢？有鵝掌、鵝翼、豬肚、燻碲供應。舉頭望望牆上餐牌，誰是火雞賢啊？老闆還是保安？宿醉暈到兩點先爬落街食野，凍檸樂定時斷片回魂 coke，宿醉一筆清？食飽飽腸胃舒服一丁點。
嬸嬸們個個笑面迎人，十分有禮熱情主動。四眼嬸嬸見我食雙髀飯還連聲多謝，咪鬼咁客氣啦，搞到我紅都面晒咯。燒味只吃髀的我，非髀不愛，認住我喇！四眼嬸嬸隨即盛著雙髀飯送到，嚷著碟雙髀飯靚到不得了，快快影張相放去 facebook 分享分享！我當然回應好好好，無問題無問題。
粉葛湯，熱烘烘清甜味美，真材實料，可否免費添飲呢？黃豆苦瓜湯，特濃甘甜，瓜鮮肉香好好飲！切雞髀燒鵝髀飯，雙髀拍門，五味運財！雞鵝髀飯 $131 比盈昌貴幾十蚊，盈昌單鵝髀飯 $60，雙髀就大慨 $100 蚊。何俊記鵝髀飯 $96 碗，雞髀飯 $38 碗，雙併嬸嬸點計架？$96 + $38 = $134 蚊？質素鵝髀盈昌贏晒，雞髀何俊記贏晒。我慣常食髀都要免切成隻拿住扯原汁原味，見首次幫襯都係斯文少少啦。
鵝髀體型也不細，先來原味掉入口，左啜右損，舌頭打轉，褪出骨頭慢慢細味著。清淡的醃味，簡單受歡迎，不咸不嗆，溫柔呵護的的舌頭。肉質微嫩微滑，可以再緊緻幼滑多一點。鵝皮少少脆，烤得香香嚥韌，略胖而油脂澎湃，嘴仔立立令非常滋潤。
巨形切雞髀啖啖嫩肉，清晰可見透明啫喱膠原蛋白躲在薄薄雞皮之下，大大啖一咬一扯，雞皮雞肉雞脂連膠原蛋白盡收嘴裡去，一滴不漏食得津津有味。香醇鳳脂甘甜無比，在滑滑白肉及彈彈黃皮間穿梭，那種咸香鮮味不能用筆墨形容，搭上蔥油豉油撈飯真是食神顯靈美味無窮呢﹗
油雞髀叉燒飯，叉燒有得揀瘦叉、肥叉或半肥瘦咁好？那我要半肥瘦叉燒，結果真的出人意表。竟然一半係瘦叉，另一半係肥叉，有無那麼趣緻？笑死我！瘦叉乾硬鞋鞋的，給點牙力趙吧！肥叉油膏鬆軟而肉綿綿，兩者味道平凡普通，散發蜜汁甜味混雜少少豬肉香。
油雞平庸無意見，質地結實微滑，白肉好淡欠雞甜味道，豉油雞皮有點濁欠清爽鮮味。叫一碗都好多飯啊，盡晒力都食剩 3 份 1 呢。蔥油太大粒蔥花，根本撈唔到飯食，草腥味強勁，唯有只豉油撈飯吧。
咸蛋燒肉燻蹄飯，燻蹄暖笠笠，肥美肉甜咸香，膠彈有嚼勁，浸上大量自家深紅浙醋，特酸特濃超醒神好味道。燒肉硬皮不化皮，給多點牙力吧！瘦瘦燒肉有點硬鞋，不過咸甜味均勻可口喎。雙黃咸蛋毫無黃油，煮得太過熟，只咸不夠甘香。
不要浪費咸蛋，蛋白蛋黃加豉油齊齊撈飯，搭塊燻蹄加舊燒肉，一啖入魂一家團聚百花齊放，食慾失控，一粒飯都無剩。伴碟時菜亦不馬虎，熱辣辣唐生菜爽甜油潤，飯都食多兩啖。
青紅蘿蔔百寶湯，極濃足料還有冬菇芬芳，清甜好好味。切雞髀燒腩骨飯，燒腩骨彷似 BB 豬一樣嬌嫩非凡，肥瘦黃金比例，咸味清爽剛剛好！脆卜卜豬皮更是過癮，比燒肉出色得多，她媽的絕世好腩！
燒鴨髀乳豬飯，索價 $90 蚊，還可以的。終於食到乳豬，但質素不似預期。豬皮脆卜卜，瘦肉香甜鮮甜嫩滑，略肥脂肪多，骨多肉少。鴨髀當然質素比鵝髀稍低，幸好皮脆焦香，肉香夠嫩夠多汁，香料得宜可口。
清補涼瘦肉湯，熱燙燙醇美灌入，舒服順喉。切雞髀四寶飯，雞髀失準質素偏差，肉質滑嘟嘟而實淨，淡口無雞味。切髀要加 $35 蚊好貴喎，辛苦賺錢要食得好，照食可也﹗
切雞髀四寶飯，畫面非常震撼，食材鋪得滿滿，錦繡山河，萬馬奔騰！好似非常耐無食菜，要優先處理掉。熱辣辣烚生菜爽甜無限十分罕有，多數燒味店都是室溫或冰冷的，不得不讚。燒豬小髀、玫瑰紅腸、燒肉、咸菜、咸蛋、生菜，咸菜當係一寶？感到有點搵笨。
燒豬小髀，甜甜肥美結實帶滑，肉汁也不少。玫瑰紅腸，不過咸微香微甜送飯不錯。燒肉，瘦猛猛乾鞋，質地硬韌不脆豬皮。咸蛋依舊甘香欠奉，加豉油撈飯還能將飯所有清掉。
粉葛瘦肉湯，勁特濃郁甜美無得頂，是否任飲呢？來多碗可以嗎？切雞髀油雞髀飯免斬，太極鴛鴦髀飯，黑白無常一見發財！已講三次少飯都唔夠理我，米好平架咩？實在太多飯，食剩半碗有多好浪費。我不是飯桶，我是終極食肉獸！
識食梗係原隻咬原汁原味，肉汁精華全部保存在內，不會在斬件過程中流失。無淋燒味甜豉油，師傅忘記左嗎？唯有只用蔥油撈飯吧。油雞髀清香脫俗，淡淡然玫瑰豉油味，甜美可口越咬越起勁，彈滑薄薄雞皮，鳳脂甘香，修長美腿食到我舔舔嘴。
切雞髀鹽焗雞來的，黏滑雞皮黏著大量透明啫喱膠原蛋白，絕對正到痺！全部一滴不漏收到肚仔去。滑嘟嘟雞油芳香，食完即刻靚晒，青春感覺返晒黎！連皮帶肉大大力咬狠狠地扯，嫩滑彈牙，肉汁咸香醇美順喉。奪金雙腿無人能及，超水準表現。
赤小豆瘦肉湯，對豆湯𣎴太愛的我都被打動！濃郁清甜，熱辣辣灌入，使得我心花怒放！燒鴨髀燻蹄飯，最愛自家酸醋，兒時的味道，酸度強勁散發微甜，最後有著微辣餘韻。醒腦醒神，胃口全開，跟燻蹄咸香油香夾到天衣無縫。
重要的事要講三次，掛住叫三次少飯，忘記叫鴨髀免斬添。鴨髀夠瘦無肥膏，嚥韌香噴噴，肉質不及鵝肉嫩滑多汁，不過夠經濟，只係鵝髀 3 份 1 價錢呢。
合掌瓜湯，濃厚味甜出眾，熱飲好好味完全無發覺異樣。食完碗飯湯已放涼，有陣陣嚇人漂白水味。燒鵝髀叉燒飯免斬，經常不理我要求少飯！都話少飯咯，食剩半碗太浪費。叉燒超乎想像的高質！焦香散發蜜盞甜味，質地鬆化軟綿，肉汁兇湧，豬肉甜味出眾。
淋下燒味甜豉油，讓叉燒躺在飯粒上享用，天堂的味道，我升仙咯！燒鵝髀叉燒飯免斬，逢髀都要原隻食才原汁原味，巨髀拿上手夠興奮夠震撼，惹來四周羨慕的眼光，有殺氣﹗
免斬金牌燒鵝髀，絕對領域原隻半邊燒鵝髀！向巨髀狠狠地一咬一扯，脆皮撕裂的聲音，真的讓人高潮莫明！肉汁鵝油應聲飛射，使得我滿嘴油潤立立令，油脂甘香醒胃，黏著幼滑嬌嫩的鵝肉，散發秘製醃料香料芬芳，心底不停叫喊著好味道好味道啊﹗一啖髀肉一啖蔥油豉油撈飯，大啖大啖非常滿足又幸福。
燒腩仔燻蹄飯，燻蹄達 9 成肥肉，彈滑膠膠，甘甜得宜芳香可口。剩 1 成瘦肉有嚼勁，咸味淡淡然提味醒神。滾埋酸醋滴住汁送飯，美味拍爛手掌。燒腩仔跟燒腩骨差天共地，整舊肥膏油淋淋入口，爆油受不了！需要咬掉肥膏，剩低濃咸瘦肉配大大啖豉油撈飯舒服很多。
切雞髀燒鵝髀飯
27 瀏覽
0 讚好
0 留言
切雞髀燒鵝髀飯
21 瀏覽
0 讚好
0 留言
切雞髀燒鵝髀飯
24 瀏覽
0 讚好
0 留言
油雞髀叉燒飯
14 瀏覽
0 讚好
0 留言
油雞髀叉燒飯
41 瀏覽
0 讚好
0 留言
油雞髀叉燒飯
17 瀏覽
0 讚好
0 留言
黃豆苦瓜湯
14 瀏覽
0 讚好
0 留言
咸蛋燒肉燻蹄飯
13 瀏覽
0 讚好
0 留言
咸蛋燒肉燻蹄飯
12 瀏覽
0 讚好
0 留言
咸蛋
10 瀏覽
0 讚好
0 留言
切雞髀燒腩骨飯
20 瀏覽
0 讚好
0 留言
切雞髀燒腩骨飯
16 瀏覽
0 讚好
0 留言
青紅蘿蔔百寶湯
15 瀏覽
0 讚好
0 留言
燒鴨髀乳豬飯
34 瀏覽
0 讚好
0 留言
清補涼瘦肉湯
9 瀏覽
0 讚好
0 留言
切雞髀四寶飯
8 瀏覽
0 讚好
0 留言
切雞髀四寶飯
11 瀏覽
0 讚好
0 留言
粉葛瘦肉湯
7 瀏覽
0 讚好
0 留言
切雞髀油雞髀飯免斬
3 瀏覽
0 讚好
0 留言
油雞髀免斬
6 瀏覽
0 讚好
0 留言
切雞髀免斬
4 瀏覽
0 讚好
0 留言
赤小豆瘦肉湯
5 瀏覽
0 讚好
0 留言
燒鴨髀燻蹄飯
5 瀏覽
0 讚好
0 留言
燒鴨髀燻蹄飯
25 瀏覽
0 讚好
0 留言
合掌瓜湯
4 瀏覽
0 讚好
0 留言
燒鵝髀叉燒飯免斬
8 瀏覽
0 讚好
0 留言
燒鵝髀免斬
7 瀏覽
0 讚好
0 留言
燒腩仔燻蹄飯
11 瀏覽
0 讚好
0 留言
燒腩仔燻蹄飯
6 瀏覽
0 讚好
0 留言
燒腩仔
7 瀏覽
0 讚好
0 留言
張貼
