影片
更多
2020-11-03
1250 瀏覽
今日又同同事們一齊出去搵好野食, 順手傾下計, 咁平日午市如果想坐得耐d 嘅相信除左傳統酒樓之外都冇咩選擇了, 所以一出發去搵食就專注酒樓, 由灣仔行到鵝頸橋一帶, 發現橋底有間新新酒樓躲藏響橋與大廈之間, 而且睇落年代久遠, 好啦, 一於今次就試下呢間老派酒樓啦咁呢間酒樓由知客處再到宴會廳係要行樓梯, 咁樓梯牆壁都係由鏡組成, 上到樓上就一大列魚缸放滿生猛海鮮, 不過今日午市大家都想食點心就直行直過了, 最後知客就安排我地坐通道旁邊, 雖然話係通道旁邊, 但其實非常闊落檯同檯之間不單相當闊落, 而且有屏風阻隔, 避免病毒散播, 而裝修方面非常老派, 睇到天花上嘅水晶燈嗎蘿蔔糕, 員工未有提供任何醬料, 本身蘿蔔糕非常惹味, 煎得可口, 比一般酒樓提供嘅口感結實叉燒腸, 已事先切好, 腸粉皮煙韌, 叉燒分量多得可以撐起腸粉皮, 口感順滑而且甜豉油唔搶味鮮蝦菜苖餃, 餡料十分之多, 多到咬開時會爆開, 蝦肉爽口有甜味, 應該算新鮮吧, 而菜苖切成絲, 餃皮如相所見都做得透明, 由接口位有幾窄都知道裏面嘅餡料有幾多吧, 製作十分有誠意金錢肚以芋頭墊底, 醬汁十分濃郁且掛身, 金錢肚切得有足
咁呢間酒樓由知客處再到宴會廳係要行樓梯, 咁樓梯牆壁都係由鏡組成, 上到樓上就一大列魚缸放滿生猛海鮮, 不過今日午市大家都想食點心就直行直過了, 最後知客就安排我地坐通道旁邊, 雖然話係通道旁邊, 但其實非常闊落
檯同檯之間不單相當闊落, 而且有屏風阻隔, 避免病毒散播, 而裝修方面非常老派, 睇到天花上嘅水晶燈嗎
蘿蔔糕, 員工未有提供任何醬料, 本身蘿蔔糕非常惹味, 煎得可口, 比一般酒樓提供嘅口感結實
叉燒腸, 已事先切好, 腸粉皮煙韌, 叉燒分量多得可以撐起腸粉皮, 口感順滑而且甜豉油唔搶味
鮮蝦菜苖餃, 餡料十分之多, 多到咬開時會爆開, 蝦肉爽口有甜味, 應該算新鮮吧, 而菜苖切成絲, 餃皮如相所見都做得透明, 由接口位有幾窄都知道裏面嘅餡料有幾多吧, 製作十分有誠意
金錢肚以芋頭墊底, 醬汁十分濃郁且掛身, 金錢肚切得有足夠闊度避免影響口感, 份量不少有5至6件, 內臟清洗乾淨沒有一點異味, 算係近年食過口感最好嘅金錢肚
蝦餃大粒, 餃皮煙韌但又不易穿, 而且餃皮呈透明色而唔係白色, 餡料口感結實同埋有些微粗糙感, 覺得係人手製造, 味道一流
鳳爪, 炆得軟淋, 而且起膠
呢個係奶黃包, 呢度嘅包點係非常非常之好食, 以呢籠包來講, 包身非常軟熟, 撕開時會發現包嘅黏度好高, 唔似坊間包點咁會硬會有顆粒感, 你食佢嘅包係好頂胃, 但亦都會食到佢嘅包係有甜味, 加上奶黃餡有鹹蛋黃吊味, 鹹鹹甜甜的, 誠意推介
叉燒包睇相都知道裏面餡料有幾多先會咁爆出黎, 而且包嘅質感係坊間酒樓比唔到你嘅, 呢度嘅包皮膚你係好難成塊撕落黎, 因為黏住個包, 加埋本身不俗嘅餡料, 就成就左一籠高質素嘅叉燒包
牛肉球, 以腐皮襯底, 牛肉球裏面馬蹄比例很好, 而且冇鬆肉粉, 咬起來口感結實, 味道甜甜的
燒賣, 好似相所見, 會見到蟹子響燒賣頂已經好感動, 更何況係份量咁多, 呢度嘅餡料係蝦多過豬肉, 豬肉嘅存在某程度上係為左引出鮮甜嘅味道, 黃色嘅外皮薄而煙韌
10籠高質點心, 埋單289 蚊, 好耐冇食過一餐酒樓係冇中伏位了
btw, 佢嘅茶唔係非常好飲, 但點沖泡都有味, 值得一讚
張貼
