肯德基家鄉雞 (KFC) (已結業)

有coupon就黎呢度擦一餐，有個$31.8既餐。有大既雞皇飯、兩舊雞同墨西哥脆脆及菠蘿特飲。我又唔想飲呢隻，佢話唔轉得。咁多限制架，算啦優惠就係咁。有分店無呢隻特飲供應仲要俾番汽水你飲，咁仲唔化算。香辣脆雞調味可以濃，雞都唔錯既，辣辣地好惹味。不過炸雞最好都係pizza and chicken。墨西哥脆脆新鮮炸起，所以唔錯既。最好既都係芝士醬，脆脆點呢個好襯架。只不過芝士醬得小小，就唔多夠。雞皇飯雖然份量比以前既細，但料都唔錯既。起碼好重奶油味，咁都無野好講。飯都可以整得煙韌。菠蘿特飲係罐頭菠蘿加七喜。杯野真係叫菠蘿特飲，因為好多菠蘿，差唔多有杯。都算幾好飲，但我覺得麥記既仲好飲。其實都幾抵食，但飲品選擇太小啦。下次都係留意清楚啦。