湖舟壽司‧小料理 (已結業)

見好耐未去過湖舟, 今日同老公去食lunch, 我叫咗$150壽司定食, 老公叫咗$120 天婦羅蕎麦麵。壽司定食有十件, 刺身質素真係好普通, 除咗帶筋嘅toro之外其他用料亦都好一般, 連海膽都冇, 價錢仲要貴過壽司廣及天膳 。 老公個天婦羅蕎麦麵得個2隻蝦, 冬菇和南瓜, 連前菜和味噌湯都冇, 味道亦麻麻哋。 最後個甜品雪糕上枱時仲係半溶狀態, 好唔掂! 響渣甸街中心和亨利中心壽司店來講, 食物質素及價錢完全無競爭力, 下次應該唔會再幫襯～