影片
更多
2019-11-28
1029 瀏覽
今日選擇呢間福川食晚餐，呢度有分鐵板燒套餐，同Omakase套餐，分別有$1488同$1288。我就揀左$1288既「福」。上菜次序係會冷熱交替，呢次侍應都細心介紹菜式，另外亦密密加茶，服務非常好。背景播住音樂盒音樂，氛圍令人放鬆。呢度有壽司吧又有鐵板燒吧，餐廳幾大，可以容納幾多客人。<前菜>首先係前菜三點。海蜇紅蘿蔔，海蜇好爽口，酸酸味味好開胃。椰菜花豆腐，口感較粉，唔似正常豆腐咁滑，好特別。花螺，浸係豉油入面，用竹簽吉出黎，有咬口。<刺身>平木魚，作為白身魚，有咬口，味道較淡所以以土佐醋調味。雙燒吞拿魚，配黃芥末果醋汁，唔會好辣，反而甜甜酸酸，上面係洋蔥、京蔥、白蔥，令酸甜中帶蔥辣，味道好豐富，更凸顯魚既鮮味。煙帶子，好有視覺效果，一打開蓋就煙霧彌漫，煙散開後就見到舖上金箔既帶子，厚肉得黎又鮮甜嫩滑，配辣辣地既墨西哥尖椒醬，上面係爽口酸酸地既Salsa，係一道fusion菜。<煮物>豚角煮，好耐無食過東坡肉，用獨有既醬汁，配上蘿蔔，煮得好入味。呢度既豚角煮就係東坡肉更嫩更軟腍版，入口既溶，好似飲左啖濃湯咁。<壽司 Part 1
<前菜>
首先係前菜三點。
海蜇紅蘿蔔，海蜇好爽口，酸酸味味好開胃。
椰菜花豆腐，口感較粉，唔似正常豆腐咁滑，好特別。
花螺，浸係豉油入面，用竹簽吉出黎，有咬口。
<刺身>
平木魚，作為白身魚，有咬口，味道較淡所以以土佐醋調味。
雙燒吞拿魚，配黃芥末果醋汁，唔會好辣，反而甜甜酸酸，上面係洋蔥、京蔥、白蔥，令酸甜中帶蔥辣，味道好豐富，更凸顯魚既鮮味。
煙帶子，好有視覺效果，一打開蓋就煙霧彌漫，煙散開後就見到舖上金箔既帶子，厚肉得黎又鮮甜嫩滑，配辣辣地既墨西哥尖椒醬，上面係爽口酸酸地既Salsa，係一道fusion菜。
<煮物>
豚角煮，好耐無食過東坡肉，用獨有既醬汁，配上蘿蔔，煮得好入味。呢度既豚角煮就係東坡肉更嫩更軟腍版，入口既溶，好似飲左啖濃湯咁。
<壽司 Part 1>
頭三道壽司魚味都超濃，口感就越來越軟。
金目鯛，爽口，油分滿滿。
梳子魚，比較少聽，原來口感比金目鯛更軟，魚油一樣旺盛。
深海池魚，有獨有油潤鮮甜。
<燒物>
蛋黃醬燒春魚，松子仁。口感特別，魚肉結實，配合蛋黃醬令入口更滑，蛋黃醬上面既松子仁。
<壽司 Part 2>
黎到Part 2，味道由鰤魚腩既油脂味帶起，再轉為爽口，最後由無敵既拖羅作結。
鰤魚腩，超油黏。
花魚，味道較淡，爽口為主，令口腔準備好迎接赤貝。
活赤貝，超爽口，味道鮮美，好滋味。
醬油拖羅，熟成，上面黃芥辣，不用點豉油或芥末，作為呢度既招牌菜，真係極品，一咬感覺係口入面爆油！
<吸物>
魚油清湯。味道真係非常清，入面有魚糕。
<壽司Part 3>
迷你海膽杯，飯量大概一兩件壽司。海膽份量多，味道夠鮮甜，大大啖入口超滿足！
<甜品>
日本夕張蜜瓜，日本雪梨。超級多汁，味道超甜，甜度好比平時加曬糖既雪糕同濃縮果汁，無可挑剔！
張貼
