碧儷苑·精點粵菜 (擺花街)

營業中

休息中

.🔖碧儷苑·精點粵菜 | 𝑪𝒆𝒏𝒕𝒓𝒂𝒍係中環想飲個靚茶、食個靚包，黎呢間係擺花街嘅中菜館絕對係一個唔錯嘅選擇👅～ 呢間餐廳Openrice唔算多好評，但又零負評，所以就一於試試佢😆。.今次平日午市時間到訪，都差唔多接近坐滿，所以想黎食就要預先Book位。因為枱與枱之間都隔得比較近，所以都比較嘈，如果想黎靜靜哋傾偈，或者Formal Business Lunch 就未必好適合。😉.午市時間有午市套餐，但大部份都係炒粉麵類，亦可以散叫點心，但就收正價冇其他優惠。點心當中最推介又打卡able嘅就係奶皇小虎包！🐯叫咗四隻小虎包，估唔到廚師細心到有唔同姿勢。而且擺盆好有心思仲要噴煙，一拎出黎真係夠晒氣勢😂。.另外一樣要推介嘅就係個糯米飯🙋🏻‍♀️。雖然個樣平平無奇，但糯米煎得勁香又有咬口，係當日味道最驚喜嘅點心！.最後四個人埋單大約八百幾蚊，人均二百幾蚊飲個午茶其實都幾貴。餐廳嘅格局同服務唔算高級，但食物質素唔錯。見餐廳都有早茶同下午茶優惠，想再抵啲可以就番時間去🙌🏻。