陶源酒家 (已結業)

見佢地推出咗個長腳蟹餐幾抵食，於是咪訂枱同屋企人去食，多人唔夠樓面招呼都算，唸住食唔晒問阿姐攞個盒拎走唔好浪費都要等咗成20幾分鐘，問多次個阿姐隔咗10分鐘左右終於攞個外賣盒嚟但就細到一睇已經知道唔會裝得晒啲嘢食，但佢一轉身就走咗再隔幾分鐘捉到佢停低問佢換一個大啲size嘅外賣盒，佢居然答我佢哋酒樓只有一種size嘅外賣盒跟住又走咗去，再問個著西裝有條紋間花紋應該比較高級嘅人，佢就同我講你試吓裝唔裝得晒先再問我哋啦！其實佢哋咁嘅服務態度點解可以攞到「優」服務牌，我樓下間富臨酒家相同集團服務態度真係差天共地，仲話陶源酒家專門做高級食材嘅，咁嘅態度似大排擋多啲，唔係應該係話我去大排檔人哋仲好招呼仲有人情味，以後都唔會再去食！