影片
更多
2009-08-14
46 瀏覽
我地班“攪攪震食友”又出動啦!本來是想揀食越南或印尼菜,但真係揀來揀去都揀唔啱。最後揀咗由(嘞底，最終無露面)既P君提供的埃及菜“Habibi".“Habibi Cafe"應該開咗好耐,現在位置你威靈頓街近上山電梯旁,對我地班九龍友都唔難揾。訂位時講明會好嘈，但都無俾最尾的小房間，只是安排坐尾的長枱。7點半，10個人都算準時到，餐廳狹長，環境都幾舒服。旁邊兩枱外籍人士都嘈架，嘈鬥嘈，無問題吖！雖然去過埃及又參考過Openrice，但打開本Menu都唔知點叫。南亞籍待應又唔肯先倒冰水（只有Still water,可能怕我地慳皮唔叫飲品）。以為如前人介紹般有待應介紹點叫，對唔住，係無人理。我就俾friend嘈。好啦，我黎組織吓。無人飲酒，放低wine list 睇吓 揀乜,係筆記度揾咗幾隻人地介紹嘅再對番drink list個名點了以下幾種：1。Karkadeeh (Iced Hibiscus) $30 - 大紅花茶，似利賓納味2. Iced Mint tea $30 - 凍薄荷茶3. Iced Lemon tea $30 - 凍檸茶4. Lemonade $35 - 檸汁5. Tam
“Habibi Cafe"應該開咗好耐,現在位置你威靈頓街近上山電梯旁,對我地班九龍友都唔難揾。訂位時講明會好嘈，但都無俾最尾的小房間，只是安排坐尾的長枱。7點半，10個人都算準時到，餐廳狹長，環境都幾舒服。旁邊兩枱外籍人士都嘈架，嘈鬥嘈，無問題吖！
雖然去過埃及又參考過Openrice，但打開本Menu都唔知點叫。南亞籍待應又唔肯先倒冰水（只有Still water,可能怕我地慳皮唔叫飲品）。以為如前人介紹般有待應介紹點叫，對唔住，係無人理。我就俾friend嘈。好啦，我黎組織吓。無人飲酒，放低wine list 睇吓 揀乜,係筆記度揾咗幾隻人地介紹嘅再對番drink list個名點了以下幾種：
1。Karkadeeh (Iced Hibiscus) $30 - 大紅花茶，似利賓納味
2. Iced Mint tea $30 - 凍薄荷茶
3. Iced Lemon tea $30 - 凍檸茶
4. Lemonade $35 - 檸汁
5. Tamr Hindi （Tamarind) $30 - 似濃酸梅湯，放少d糖水都入唔到喉
6. Tea $28 - 熱茶，小茶壺上。
7. Iced Lemonade Rose tea $30 - 檸汁加了玫瑰味，幾幽香。
8. Coffee $30
9. Espresso $30
***** 好處是糖水分開上，要幾甜自己搞。 跟住才有人問要不要 tap water 水喉水，好呀，甘甜上D冰水呀。
到點菜嘞，因為陳小姐好多野都唔食（例如羊喇），要好小心地平衡個莱單。
前菜(分冷熱：Cold/Hot Mezze) 有：
Cold
1。Hummos $25 - 鷹嘴豆蓉醬, 一般
2. Babaganough $30 - 烤茄子伴鲜乳酪醬. 幾好味
3. Halloumi (跟埃及包6件) $50 - 唔錯
4. bread (加份包) $12
Hot
1.Kofta Al Gabal $40 - 蕃茄醬羊肉丸 OK
2.Dawud Basha $40 - 蕃茄烘牛肉丸 OK
3.Kibbeh Dani $55 - 唔記得係乜添
主菜：
1. Mussaka Veg $145 - 依個係素，d菜好味，薯塊，茄子等。跟飯
2. Mussaka lamb $145 - 依個係加多羊肉，d菜好味 跟飯（厨師推介）
3。Gambari Firik $180 - 釀春鷄（釀枣子，提子，乾果等）無骨幾好味
4. Mashwiaat $200 - 即係什扒，有羊扒，羊捲，串燒鷄肉，牛肉（奇硬）
5。Firahk Zaatar $150 - 烤全鷄,有洋葱等，無骨幾好味。
6. Kosa Mahshiya $150 - Zucchini（翠肉瓜）釀碎牛肉，乾果乳酪，跟飯。幾好味。
*** 跟飯有不同的米，有跟紅米，有跟混了薏米，有跟香米。但己記不起來誰配誰，但幾特别，好味。
甜品：
1。Shoukolata $35 - 焗朱古力漿，似心太軟。香濃。
2。Helue Al Sham $50 - 雜錦中東甜品碟，有椰撻味餅仔，核桃果仁味餅仔， 加奶油。食落似中國舊式餅食。
不唔係有肚皮舞表演咩？答案系無既！係到聚會都好自由自在，舒服。轉眼都十點幾，客人漸少了。又是散會時間。埋單連加一，$2096. 每人$220 喇。
(無帶相机, 手机影又太黑. 相片參考他人吧! )
張貼
