米蔥動

營業中

休息中

細個出世就已經住喺西環呢頭，結咗婚之後就好耐再無踏足呢個地方了。難得經過見到一間有台灣菜既小店，就一於入去支持吓。雖然店裡大約得10個座位，但見到有著住米蔥動既T-shirt夫妻檔經營，淨係呢個舉動都令我覺得佢哋相當認真。必食： ✨話梅凍豬手好少台灣菜有得食呢個菜式，初時見到個賣相以為係好肥既豬手，點知一口咬落去好香話梅同有用酒浸嗰啲豬手好好食，肉質好腍，食完一嚿好快再想食第二嚿。✨糖心皮蛋凍豆腐豆腐嫩滑，配上皮蛋有糖心嘅口感，而且會有啲肉碎紫菜放係豆腐面幾特別。✨人氣特濃台式牛肉麵牛肉麵最緊要個湯底，湯底濃郁，但唔油膩，已經好緊要喇，牛肉係牛筋牛腱好淋好入味，配上白蘿蔔，紅蘿蔔好清甜。✨炭燒烏龍珍珠奶茶正常味道，珍珠煙靭，好大杯飲唔晒要拎走。總括呢間小店規模雖然少，但睇得出係用心經營，價錢合理，而家係香港做小店真係好困難，希望呢啲小店可以一路繼續keep落去。