銀杏館 (已結業)

為左要配合法國主題，於是唔計較價錢，都去左試下阿蘇介紹既伯伯西餐。全間餐廳都係伯伯嬸嬸做職員，舖仔細細，全間餐廳連埋二樓，最多坐30-40人。呢度冇dinner套餐，不過你可以選menu上任何一個pasta/main course +$40，就有餐湯、沙律同飲品。餐牌上主菜至少都要$98(pizza)，其他pasta/main course都要$168以上，都幾貴。先來個三文魚沙律，簡單用olive oil同vinegar整既沙律，不過不失喇! 再黎個蘑菇忌廉湯，再加健康食品螺絲藻後，菇味更濃!主菜試左金萡鵝肝天使麵及香橙鴨肉。鴨肉肉質煎得太硬，好似燒鴨咁! 個橙汁又唔算太特別，廚師伯伯失手喇! 好彩另外一個鵝肝絕對唔係鹹牛肉質地，總算有番d水準，個天使既汁都ok，伯伯既努力係冇白費! 最後伯伯問我地食唔食甜品，不過全個餐牌得4個甜品，而且仲唔平(大約$5x)，今餐都好貴喇...算喇!伯伯們既服務係係全心全意，好過而家好多餐廳既後生仔! 咁先係有heart既餐廳!仲有，其實呢間餐廳都唔算法國菜，我覺得係意大利菜多d囉!