山旮旯 (已結業)

成日都經過呢間餐廳，朋友原來都未食過，就決定嚟支持下黃店，間餐廳外面都有啲枱俾人用餐，坐係度睇下嘢 飲杯嘢都幾chill架。老乾媽香辣一口和牛粒炒意大利麵：中西合璧配合，老乾媽個味又出奇地同和牛好夾，辣度適中，意大利麵嘅質感剛好，食完一口再一口。日式青芥末煙三文魚薄餅：Pizza嘅厚薄度適中，邊邊位幾脆脆，煙三文魚配青芥末係唔會出錯嘅配搭，味道還是很可以的。泰式拼盤：估唔到呢度都有多國菜食，呢個拼盤有冬陰功魚餅、蝦餅、春卷、沙嗲串燒，每樣個味道都同係泰國餐廳食嘅味差不多，亦唔會好油，配埋沙嗲醬就更加好！侍應嘅服務態度都好好，亦好適時地加水，有機會可以再嚟食下其他嘢。