大家食 (已結業)

「大家食」呢個名我細細個就聽過架喇！不過由於另一間連鎖米線鋪喺呢十幾年迅速崛起，以致「大家食」幾乎已經好少聽人提及了！記得嗰日我地喺西九文化區露營野餐，嗰日風和日麗，好想念當時嘅美好時光啊！我地嗰晚留到接近九點，先起行出返去佐敦。拖住疲乏嘅身軀，又有啲肚餓，咁我地又去咗搵嘢食，當時已經差唔多九點半，好多鋪頭都打烊喇。幸好「大家食」仲做緊生意。於是我地就二話不說行咗入去坐低喇。我地叫咗一碗麻辣米線，一碗手攪麵同埋一份麻辣海帶做小食。以呢個價錢嚟講，食物質素還可以。食吓食吓又多幾個人入嚟幫襯食宵夜，都算幾旺場喎。