B.Two House (已結業)

星期六係呢邊做完運動，之後當然要食返啲野補充能量😌下午茶想食輕量啲，睇返to go list發現呢間小店🤤🤤主打麵包呀bagel呀沙津呀等輕量小食，都係我喜歡既類型喎。咁岩果日星期六小店收五點，我果時都就快四點半，立即狗衝😂😂😂好彩仲有人😌😌食客都仲有兩三枱，拿拿臨叫左個下午茶C餐～燒芝士牛油果醬栗米蔬菜墨西哥卷😍五分鐘左右，墨西哥卷送到😆賣相幾靚👍🏻卷物暖暖地，舖上原塊芝士，輕輕燒過，所以芝士呈半融狀態😆大量既生菜啦栗米啦蕃茄😋塞滿成條墨西哥卷！！牛油果醬唔算好出，但成件事好fresh😌😌成條墨西哥卷無肉都好好味！！食到成隻手都有汁醬，有啲論盡🙈旁邊有少量沙津陪襯，其實都係卷物裡面既野😂😂😂總括黎講好鍾意小店，感覺好家庭式😂服務都好好，又有禮貌又好笑容😌食物質素都好好，想食輕量野呢到有，想食飽既飯呀意粉呢到都幫到你😆😆見到餐牌太多野想食🤣🤣🤣下次一定食佢地主打既bagel呀😍