鳳鳴居

營業中

休息中

嚟到上水一定係去鳳鳴居食米線，之前嚟過兩次印象就係平靚正，而今次再奔住醉雞米線而去，一排無食真係有啲掛住。醉香雞湯米線雞湯走滋潤路線，超級甜嘅湯頭，就好似用咗無數粒紅棗去煲咁。反而醉嘅部分酒味就未算好出！雞肉有好多舊，咁啱今日呢碗雞髀又有雞翼又有雞胸又有，平時鍾意食雞髀嘅我就偏愛雞髀部分啦！雞肉方面都好嫩滑，蘸下佢地自家製嘅辣椒豉油就啱啱好啦！米線屬於偏粗身及滑個隻，如果追求口感彈性個種就未必啱啦！我個人嚟講就接受到嘅。另外仲有紅棗同木耳，木耳超大一塊，份量作為配料確實量多，真係好佛心嘅店家。如果木耳都入埋雞湯嘅味道就更佳！對比上一次嚟食嘅喇沙湯，我會投喇沙湯一票，惹味又過癮啲。