影片
更多
2019-03-01
44 瀏覽
朋友中環番工，介紹和安里有間專食日本丼既小店，中環區內價錢都算抵食，仲話材料新鮮足料，所以放工後同老公黎拜會下。我地叫左個18件自選壽司同松葉蟹丼定食，2款都包含左前菜，沙律，湯同甜品。先黎個沙律同前菜沙律菜好fresh,醬酸酸甜甜幾開胃。前菜係海哲素翅，夠哂彈牙爽口自選18件壽司個人最推介- 中拖羅油脂滿溢，入口滿滿魚油流出，入口即溶。海膽鮮甜味十足，無海水既咸腥味。帆立貝厚度十足好鮮甜。飛魚子好甜，每一粒脆卜卜好新鮮。穴子壽司比平時鰻魚肉質更為細嫩軟綿，油脂度適中。其餘壽司都好食，好足料 ，以上幾款係我個人最愛😆食完就上松葉蟹丼，上蟹蓋時店員會熄左部分燈再燃點火燒蟹蓋😍之後店員會幫忙攪動蟹蓋，然後將蟹膏淋上蟹肉飯，好特別好吸睛呀！旁邊有蔥可以散上去，亦有配菜等食得漏時可以開下胃，好貼心。一絲絲蟹肉好鮮甜，蟹膏味道濃郁惹味，十分香口，甘香咸鮮，而且攪勻同蟹腳肉一齊食，味道更上一層樓😋😋最後甜品芒果糯米糍，正，呢餐真係令人回味無窮！
我地叫左個18件自選壽司同松葉蟹丼定食，2款都包含左前菜，沙律，湯同甜品。
先黎個沙律同前菜
沙律菜好fresh,醬酸酸甜甜幾開胃。
前菜係海哲素翅，夠哂彈牙爽口
自選18件壽司
個人最推介-
中拖羅油脂滿溢，入口滿滿魚油流出，入口即溶。
海膽鮮甜味十足，無海水既咸腥味。
帆立貝厚度十足好鮮甜。
飛魚子好甜，每一粒脆卜卜好新鮮。
穴子壽司比平時鰻魚肉質更為細嫩軟綿，油脂度適中。
其餘壽司都好食，好足料 ，以上幾款係我個人最愛😆
食完就上松葉蟹丼，上蟹蓋時店員會熄左部分燈再燃點火燒蟹蓋😍之後店員會幫忙攪動蟹蓋，然後將蟹膏淋上蟹肉飯，好特別好吸睛呀！
旁邊有蔥可以散上去，亦有配菜等食得漏時可以開下胃，好貼心。
一絲絲蟹肉好鮮甜，蟹膏味道濃郁惹味，十分香口，甘香咸鮮，而且攪勻同蟹腳肉一齊食，味道更上一層樓😋😋
最後甜品芒果糯米糍，正，呢餐真係令人回味無窮！
張貼
