滿堂樂滬京風味 (已搬遷) 新店位置

平時唔太大機會去紅磡，但一去嘅話必食呢到D餈飯，因為真係好好食又大件，幾乎每一啖都食到D餡，條油炸鬼每次食親都仲係脆身，最緊要D飯係一粒粒，唔會'林'到一pat pat，唯一同埋銅纙灣果D都唔及佢，第一次去食只賣$12，宜家要$15，配豆漿加$4。雖然間舖細細，但佢裡面仲有個廚房，我見過有個男人喺入面煮豆漿，所以飲熱豆漿嘅時候可以少糖或走糖，凍的也不會好甜。另外值得推介就係餃子上海幼麵，餃子除咗一般嘅韮菜餃之外，佢有個津白餃食落去比較清新似白菜餃但無綠色果D葉，因為津白本身屬脆口，又係大大隻，但唔算好多餡，而且碗麵會加兩條菜感覺好健康，宜家好少麵舖會咁，排骨麵就真係得排骨同麵，又點會搭多條菜，要食嘅話就俾錢叫碟十幾蚊嘅油菜，好多都係咁樣做生意，不過呢到就算加咗價，依然同以前一樣咁好味。