日新鮮豆漿 (已結業)

喺中環想搵平民價既午餐真係要花多d心機，而士丹利街就有幾間，今日第一次試呢間日新鮮豆漿。有日式飯、咖喱、烏冬等便當，又有燒賣、腸粉、豆漿粢飯等，多種類夠晒港式小店風味。店內座位唔多，好彩一個人會易搵少少，唔係可以選擇叫外賣。叫左一個三色卷冷麵，卷物(小黃瓜、青瓜、蟹柳卷)係新鮮即做，有9件咁多。冷麵上鋪有紫菜絲同蔥花，雖然冷麵汁略嫌鹹左少少，咁當然喺呢一區可以有35蚊一set午餐相對要求就唔會太高啦。仲有自家製啫喱送，食個簡單甜點為是日工作天打打氣