1523 釗級廚房 (已結業)

屋企人生日，見到唔少元朗人都話呢間好食，所以就試下，book枱既時候問我地要唔要留隻豬手，問得應該都好食，咁就留左一隻。去到佢有個推介，$99.9有12oz牛扒，咁抵梗係試試啦，再叫左個蟹肉沙律，黑毛豬鞍，3個主茶加錢包湯，蒜蓉包同飲品。個湯幾好飲，大家都話好特別，蒜蓉包黎到仲出煙既，唔係好多間餐廳做到。飲完湯等左一陣，豬手黎啦，好脆，好好食，留一隻既決定係岩既。之後幾樣野都到啦，最後係沙律，呢樣有小小美中不足，估唔到沙律竟然最後到，但好食既。牛扒: 有小小似港式扒房用粉醃林既牛扒，叫8成係做到8成既，味道一般，但咁既價錢算係咁。Pizza: $68所以好細塊，見到打左個突，但咁平都冇理由俾番pizza hut個size你啦。豬鞍: 好食，值得一試。4個大人埋單$800，食物又有質素，難怪一致好評。