影片
更多
2020-10-27
203 瀏覽
蘑菇湯和南瓜湯。好有心思咁喺上面用忌廉畫咗植物嘅圖案，增加咗顔色同視覺效果。當然藝術嘅嘢見仁見智，個人覺得味道比較重要。蘑菇湯好濃郁嘅香味，但就比較稀啲。南瓜就好香甜。蒜蓉多士。一面烘到焦香脆口，另一面就好鬆軟，加埋蒜香味，好食。芝士薯角。勁大量軟滑細膩嘅芝士，化解薯角嘅油膩熱氣感，芝士控最愛，美中不足薯角唔夠脆口。香蒜辣椒帶子意粉。未食已經聞到好濃嘅蒜香味，食落意粉嘅口感軟硬恰到好處，有小小辣，原來落咗少許辣椒仔。煙肉嘅油份令意粉更滑，蘑菇嘅香味就豐富咗個味道。BBQ醬烤原條豬肋骨。大大條豬肋骨，份量絕對唔會令你失望。一上枱一陣燒烤嘅焦香味撲鼻而來。雖然肉質偏瘦，但食落好爽口，蘸埋酸酸地嘅BBQ醬汁食，加埋沙律菜，食完唔會有heavy嘅感覺。青蘋果氣泡茶。淡淡嘅青蘋果香味好fresh，氣泡解膩。薄荷朱古力。薄荷冰冰涼涼嘅感覺同朱古力一齊冇違和感，反而增加咗朱古力嘅香甜味。
蒜蓉多士。一面烘到焦香脆口，另一面就好鬆軟，加埋蒜香味，好食。
芝士薯角。勁大量軟滑細膩嘅芝士，化解薯角嘅油膩熱氣感，芝士控最愛，美中不足薯角唔夠脆口。
香蒜辣椒帶子意粉。未食已經聞到好濃嘅蒜香味，食落意粉嘅口感軟硬恰到好處，有小小辣，原來落咗少許辣椒仔。煙肉嘅油份令意粉更滑，蘑菇嘅香味就豐富咗個味道。
BBQ醬烤原條豬肋骨。大大條豬肋骨，份量絕對唔會令你失望。一上枱一陣燒烤嘅焦香味撲鼻而來。雖然肉質偏瘦，但食落好爽口，蘸埋酸酸地嘅BBQ醬汁食，加埋沙律菜，食完唔會有heavy嘅感覺。
青蘋果氣泡茶。淡淡嘅青蘋果香味好fresh，氣泡解膩。
薄荷朱古力。薄荷冰冰涼涼嘅感覺同朱古力一齊冇違和感，反而增加咗朱古力嘅香甜味。
張貼
