重慶館

營業中

休息中

紅橋開左好多食肆，重慶館應該係其中一間吧！今日喺紅橋行左個圈，發現左喱間新店，辣嘢係我哋至愛，所以毫不考慮之下就入去試試。今日就叫左兩道小炒試試先：娃娃菜回鍋肉同尖椒豬肚餐廳寫明由一個廚師主理，叫一碟煮一碟，一定要耐心等待，但我哋今日早左晚飯，所以好快就有得食。先講份量，真係喜出望外，只係$60多元竟然有這麼大碟佢地有幾款菜式係可以自選娃娃菜、椰菜或者尖椒嫁所以我哋一款要娃娃菜另一款就要左尖椒，試多啲野。娃娃菜回鍋肉帶點麻辣椒味，唔算好辣，五花腩片切得好簿，配上娃娃菜，可以大啖大啖咁食。尖椒豬肚帶點豆豉辣味，豬肚絲好林，唔韌，但唔知點解尖椒絲一點辣味都沒有雖然今日只試左兩款小炒，但兩款都喜出望外，下次一定要試埋佢哋嘅水煮鍋物。