嵐屋

營業中

休息中

喺慈雲山嘅日式料理小店，價錢唔貴，性價比高。今次一行4人share 左壽司、燒牛舌、蟹肉忌廉餅、日式炒烏冬、鰻魚炒飯。最特別嘅係豉油瓶，係千與千尋嘅無面男，增加日本菜特色，今次叫咗帆立貝、油甘魚壽司，帆立貝切得厚身，非常鮮甜，油甘魚口感紮實爽口，有少許油脂香。燒牛舌亦好高質，獨特嘅口感，爽脆多汁，充滿着牛既油脂香。最簡單嘅日式烏冬佢哋都整得好好食，椰菜份量好多，炒過嘅烏冬仍然保持彈牙，唔會太淋。鰻魚炒飯既飯粒粒粒分明，吾會太油膩，鰻魚粒嘅份量都算多，每一啖嘅炒飯食落去都有少許鰻魚粒。