Candies Foodies (已結業)

有朋友起尖沙咀辦事，佢話公司附近開左間新野，叫我去試下！呢間candies foodies 係起i-square附近的，好就腳！下次再與其他朋友食飯都多左個新點！同老細傾左陣先知呢度開左2個星期，好多野都算叫試業階段，所以都打緊85折優惠，想吸引多點人黎！門面同環境都乾淨企理，非常滿意！睇下餐牌先！因為眼殘關係，同服務員講左晚市先有既菜餚！但是，服務員非常好好，無先拒絕我反而同廚師商量左先，顧客服務做得真好，不過食客還是乖乖的唔好學我啦！蕃茄湯，濃郁的蕃茄香，偏帶酸，算係醒胃！再黎杯檸茶，要加埋旁邊既糖漿再吉下檸檬先有味架！咁當然由食客調控返自己喜愛的味道！杯墊也是可愛的！主菜黎啦！ 呢度既肉眼扒係好以真空慢煮方式，肉眼扒係用祕製醬汁慢慢地煮到4-5成熟，所以會見到肉層中的粉紅與紅色之間，鎖住左血汁，呈現出鮮嫩肉滑的觀感！廚師也切起一塊塊，每塊都係一致的生熟度！旁邊也有個牛肝菌醬汁點埋！😋😋呢一種烹調方法都比較少見，可能廚師會覺得費時掛！所以有機會食到都幾新鮮！因為佢界乎於似生熟的境界！下次黎尖沙咀，記得識路黎！希望下次黎都保持水準！