鐵板燒和菊 (已結業)

我去過好多地方，試過好多唔同日本鐵板燒，銅鑼灣、天后、中環、灣仔、尖沙咀同埋包括埋日本，咁其實每一間鐵板燒都有各自嘅特色嘅、有唔同嘅味道。但係我偏偏喜好和菊。大廚Kenny 同Gary調節味道更好選取食材、調味汁嘅調教，樣樣都恰到好處。擺盤亦都非常精美，好少試過食一餐飯，每一個菜都各有特色，都值得稱讚。甚至你可以同佢傾有乜嘢你唔想食，想轉其他亦都可以。不過，一個晚餐，你起碼要預計兩個小時先會完成，所以建議大家6:30pm ，甚至6:00pm就要開始啦。佢哋唔係成日開嘅，所以要預約，唔係咁容易約。當然，午餐會比晚餐較為經濟，性價比亦都非常高。咁琴晚我就試咗佢個晚餐，相比喺市區食，呢個價錢一定食唔到，我亦都幫襯咗佢差唔多五至六次啦，水準上亦都非常穩定，我先而家寫呢篇食評。好多謝佢哋呢個團隊包括Kenny, Gary, Benco同洗碗姐姐。繼續加油啊，感謝你哋。