真味店

營業中

休息中

呢間舖真係好細間，嚟過N次，先知道有名有姓叫「真味店」。應該係兩公婆合力經營，時不時聽到溫情對話，有時候幾搞笑！裡面無幾個位，坐得絕對唔舒服，不過無所謂啦！街坊生意，小食又做得有 heart， 煎釀X寶，矮瓜、青椒、豆腐、紅腸、魚蛋，絕對係小朋友嘅記憶。另外有燒賣，腸仔，香口嘢係吸引嘅。夏天嗰陣，整碗凍豆腐花都係好正，消暑佳品。我係懷舊主義者，次次都係食三溝，肉絲滿滿，魚肉都好豐盛，配埋生菜，加大量胡椒粉同醋，食嘅係細個嘅味道，懷緬吓過去嘛！