影片
更多
2021-10-29
950 瀏覽
一直都好鍾意搵啲小店係食家常小菜，喺大角嘴做完嘢咁啱經過呢間貌似新開嘅餐廳，見個menu入面好多都係我鍾意食嘅嘢，決定試一試！餐廳裝修簡潔，麻雀雖小但都算坐得舒服，落單阿姐態度亦好好。Menu主要有兩頁，主要都係啲即叫即做嘅家常小炒，心大心細一輪後決定叫三款野食：* 一人套餐($88) - 涼瓜開洋蛋套餐包主菜+湯+菜飯+菜心，價錢我就覺得非常合理，味道亦相當唔錯！例湯一啲味精都冇，好足料，亦唔會出現唔夠熱嘅情況；涼瓜開洋蛋嘅蛋香好正，個蛋煮到有輕微老身再配肉碎同涼瓜成件事個口感送飯一流👍🏻 個菜心份量亦唔細，基本上一個人食真係夠晒飽😬* 鮮蝦雲吞 ($34)樓面姐姐推介餐廳嘅雲吞同水餃，我自己本身都好鍾意食不過覺得市面上冇乜邊間真係好食 (麥X記一向垃圾，X仔記亦都退步哂)，決定試吓碗淨雲吞，又真係幾得喎！冇味精+蝦夠爽+皮夠滑👍🏻 所以即刻order三打生雲吞拎走比屋企人試吓😌* 南乳香酥雞球 ($38)南乳味適中，唔會太濃，炸粉亦唔會太多，雞件夠滑，睇得出廚師控制個火候技巧唔錯，食完亦唔會覺得超級頸渴！言談間先知道呢間餐廳原來已經開咗好多年，最近重新裝修，家庭式經營，喺現今香港
餐廳裝修簡潔，麻雀雖小但都算坐得舒服，落單阿姐態度亦好好。Menu主要有兩頁，主要都係啲即叫即做嘅家常小炒，心大心細一輪後決定叫三款野食：
* 一人套餐($88) - 涼瓜開洋蛋
套餐包主菜+湯+菜飯+菜心，價錢我就覺得非常合理，味道亦相當唔錯！例湯一啲味精都冇，好足料，亦唔會出現唔夠熱嘅情況；涼瓜開洋蛋嘅蛋香好正，個蛋煮到有輕微老身再配肉碎同涼瓜成件事個口感送飯一流👍🏻 個菜心份量亦唔細，基本上一個人食真係夠晒飽😬
* 鮮蝦雲吞 ($34)
樓面姐姐推介餐廳嘅雲吞同水餃，我自己本身都好鍾意食不過覺得市面上冇乜邊間真係好食 (麥X記一向垃圾，X仔記亦都退步哂)，決定試吓碗淨雲吞，又真係幾得喎！冇味精+蝦夠爽+皮夠滑👍🏻 所以即刻order三打生雲吞拎走比屋企人試吓😌
* 南乳香酥雞球 ($38)
南乳味適中，唔會太濃，炸粉亦唔會太多，雞件夠滑，睇得出廚師控制個火候技巧唔錯，食完亦唔會覺得超級頸渴！
言談間先知道呢間餐廳原來已經開咗好多年，最近重新裝修，家庭式經營，喺現今香港呢個營商環境下小店仲能夠生存著實唔容易，下次經開附近一定會再嚟支持👏
張貼
