悠閑閣餐廳 (已結業)

一向都支持社企餐廳！悠閒閣係屯門建生重開咁耐，終於有時間去試一試！芒果乳酸好味，唔太甜，芒果味濃。芝士焗龍蝦意，芝士味十足，龍蝦有蝦糕架！好正！亞女既兒童餐，六十幾蚊，有粉有肉有甜品，仲有杯飲品，真係抵。亞女根本食唔晒，大人要幫幫口！牛扒最出色，老人家要全熟，但肉質都好滑。鴨胸長通粉，白汁夠creamy!整體都好，環境細小，位置唔多，但唔會擠迫。有室外位置，但見通常係吸煙人士坐。晚餐價錢偏貴，午餐抵食d!