籽樂廚房 (已結業)

呢間社企餐廳坐落係佐敦，裝修都幾精緻，幾有情調。不過更重要係呢間餐廳有請弱聽同聾啞人士做侍應，等大家知道佢地都有自力更生既能力，同埋只要大家抱住開放包容既心，其實佢地既缺陷係絕對唔會阻礙到大家既溝通互動。講返今次食咩先。我叫左個set dinner，前菜係法式蒜蓉包，蒜蓉味非常突出，個包都好香脆。個餐湯係薑汁南瓜湯黎，有少少薑味既南瓜湯飲落原來係幾醒神開胃。跟住有得原來有得揀沙律。我揀咗煙三文魚田園沙律配柚子沙律醬，其實入面應該有少少醋，中和返鹹鹹地既煙三文魚。個沙律份量都算大，幾抵食。主菜方面叫左去骨雞脾肉配芝士忌廉螺絲粉。其實姐係雞扒肉黎。脆香雞扒配埋邪惡既香濃芝士忌廉真係無得頂。d芝士多到仲可以拉絲添。飲品方面我叫左壺有機洋甘菊茶，有得refill 架。甜品方面我揀左朱古力brownies。朱古力味濃郁，食落感覺好實在，無偷工減料。