一燒窰 (已結業)

係依家香港呢個環境，有好多小店都捱唔住貴租同成本不斷上升而無奈結業，變相小市民只能夠幫襯連鎖店甚至大財團嘅餐廳，所以我哋應該要多啲支持小本經營嘅店舖，而今次呢一間餐廳就係旺角通菜街附近即係主要係賣串燒，有好多唔同嘅類別可以揀，價錢仲要好大眾化由於今次我哋只有四個人去食，所以唔敢叫太多野，首先嚟嘅係海鮮鍋，熱辣辣有好多唔同嘅配料，全部都好新鮮之後有呢度嘅出名菜式蟹膏配脆米通，就咁食蟹膏嘅話覺得偏鹹，但配合埋米通一齊食味道就啱啱好跟住有鰻魚飯，鰻魚原條咁上好誇張，肉質夠晒嫩滑，加埋照燒醬完全係一流最後仲有玉子燒，上面加左加油既字句，感覺好窩心，玉子食到一層層好厚身，真係要高技巧先做到希望能夠有多啲人支持呢啲良心小店，為我哋所愛既香港出一分力