籽樂廚房 (已結業)

今晚要去尖沙咀食晚飯，朋友揀咗呢間社企。地方乾淨企理，裝修比較簡單。呢度最大嘅特點係有侍應係聽障或者聾人，所以呢度有提供手語小帖士；但係其實完全唔使擔心，其實用口形亦都可以同佢哋溝通到雖然呢間係社企，但食物一啲都唔馬虎。我哋今晚叫咗set dinner 。先送上蒜蓉餐包，熱辣辣，加咗大量蒜蓉，都幾好味㗎！餐湯賣相唔錯，係南瓜湯，不過就加咗啲薑味。頭盤仲可以三選一，我哋揀咗煙三文魚沙律。其實份量都唔少喎，兩片厚厚既煙三文魚，配上新鮮爽囗嘅沙律菜，好清新！主菜要咗Ribs。分量十足！！！調味都好唔錯，而且肉質唔會好乾食完呢個超大份主菜之後仲有甜品！兩件小小嘅Brownie，加上一杯咖啡為我哋嘅晚餐畫上一個完整嘅句號。