賓墟餐廳

營業中

休息中

大型連鎖食肆成行成市，進駐街坊商場更是梗有一間喺左近，明白街坊舖/茶餐廳壞來越難做，所以平時都會幫襯下小店。這間餐廳都幾有港式茶餐廳特色，首先店員多是姨姨叔叔輩，街坊街里feel好親切有禮。正值下午茶時段，套餐選擇都算多，連tea set都有鐵板餐，就叫道鐵板西冷牛扒配薯條來試試，份量比想像中多啊，牛扒有兩大塊且切得唔算薄，都幾入味，配香濃黑椒汁食起上黎啖啖肉，相當滋味；薯條真係即炸，超級熱辣辣，而且係懷舊港式茶餐廳才會有的波浪型薯條呢。朋友即點了道芝士焗茄汁豬扒飯，最面層的芝士好香，沾滿鮮茄汁的豬扒亦都幾鬆軟，重點是底下香口的蛋炒飯，每一啖蛋炒飯加埋蕃茄粒及蕃茄醬，酸酸甜甜夠晒味道每個餐都包一杯飲料，來到茶餐廳就當然要點杯最具代表性的港式熱奶茶及涷檸茶，奶茶都算茶香濃奶順滑，這些真的是餐廳才能炮製出的味道。