影片
更多
2024-05-04
1108 瀏覽
最近去密咗，可能有人話我打手，但係呢間酒樓價錢、出品真係唔錯，性價比好高星期一至五 $1 乳豬🐷 5-7位有半隻片脆肉嫩，雖然係細隻，但係肉唔少，佢切咗16件，連半個頭上枱呢位姐姐雖然感覺黑面，但係有禮貌、服務做足，食物跟足螺頭海皇冬瓜盅 $ 138啱啱開始發售，一個開到12碗，而且冇味精、唔重鹽份，湯係清淡但甜茶皇雞🐔 $ 88呢個係任點優惠，試問仲有幾間酒樓做到$88一隻雞？我未見到！呢隻雞實情都係豉油雞一隻，但係肉質嫩滑，胸位都唔乾，茶味就冇架喇😅西蘭花炒鮮魷 $ 118呢個份量足，質素唔錯，調味清淡，跟左碟蠔油比客人蘸醬，證明佢真係好輕手秘製海鮮酸辣龍躉斑 $ 128湯底乳白色，微微酸辣，又冇辣椒嘅味道，龍躉走油再入湯浸熟，肉質實淨 海鮮仲有幾隻蝦同埋沙白蜆沙嗲金菇肥牛煲 $ 98好多好滿足，沙嗲味唔出，但係夠濕潤多汁，餸飯一流有粉絲同芽菜都好多，但係肥牛都唔少架！仲有少少菠蘿粒吊味酒鬼勝地，免開瓶費👍 環境乾淨企理，食物平靚正，仲可以自己帶酒，成為咗我嘅飯堂
星期一至五 $1 乳豬🐷 5-7位有半隻
片脆肉嫩，雖然係細隻，但係肉唔少，佢切咗16件，連半個頭上枱
呢位姐姐雖然感覺黑面，但係有禮貌、服務做足，食物跟足
螺頭海皇冬瓜盅 $ 138
啱啱開始發售，一個開到12碗，而且冇味精、唔重鹽份，湯係清淡但甜
茶皇雞🐔 $ 88
呢個係任點優惠，試問仲有幾間酒樓做到$88一隻雞？我未見到！
呢隻雞實情都係豉油雞一隻，但係肉質嫩滑，胸位都唔乾，茶味就冇架喇😅
西蘭花炒鮮魷 $ 118
呢個份量足，質素唔錯，調味清淡，跟左碟蠔油比客人蘸醬，證明佢真係好輕手
秘製海鮮酸辣龍躉斑 $ 128
湯底乳白色，微微酸辣，又冇辣椒嘅味道，龍躉走油再入湯浸熟，肉質實淨 海鮮仲有幾隻蝦同埋沙白蜆
沙嗲金菇肥牛煲 $ 98
好多好滿足，沙嗲味唔出，但係夠濕潤多汁，餸飯一流有粉絲同芽菜都好多，但係肥牛都唔少架！仲有少少菠蘿粒吊味
酒鬼勝地，免開瓶費👍 環境乾淨企理，食物平靚正，仲可以自己帶酒，成為咗我嘅飯堂
張貼
