阿來泰式地道風味 (已結業)

好彩先打電話 訂了枱,如果唔係門口排長龍,就有排等喇！泰國生蝦好跳脫好想去泰國游水、shopping、食野，又無假，食番餐泰國野頂下癮先，嚟到長沙灣呢間阿來泰式地道風味餐廳試下。這個泰式生蝦刺身，辣椒加蒜頭點小小醬汁，蝦身彈牙爽口，入口鮮甜，辣得好過癮，我最鍾意就係咁樣食點埋青檸辣椒醬汁，好爽口好甜。泰式SUKI牛肉炒粉絲，多種雜菜一同炒，粉絲炒得好香好"林"，將全部雜菜同粉絲一齊放入口，味道好豐富。泰式SUKI牛肉炒粉絲，蒜茸包，飲番個椰青同試下泰式咖啡。雖然粉絲唔係高級野，但係我就特別鍾意食泰式嘅粉絲，貪佢份量唔係多，同埋可以炒出鮮味,我鍾意食乾身啲啲.飛天通菜，好有泰國街邊feel，炒得好香，唔知有無兩個大廚係廚房拋來拋去先上碟。蒜茸包好多蒜茸，份量十足，不會焗到硬硬的，少少脆，但包濕濕地好正。泰式咖啡好甜，但味道真的和平時西式咖啡好唔同，幾香幾滑。食了熱氣野要飲番個椰青，滿足了，遲D先去泰國。今晚食咗好多泰國地道小菜，真係掂