相馬日式火鍋 (已結業)

一班同事嚟食火鍋放題，食放題最好嘅好處就係唔使諗食乜嘢，見到乜嘢自己想食自己去夾，又唔使驚叫咗啲嘢冇人食，非常之好👍晚市120分鐘放題，時間都好夠。餐廳有個自助火鍋吧，出面放咗好多火鍋食材，亦有好多熟食。叫咗個蕃茄湯底和中華辣湯底，首先嚟啲新鮮蔬菜🥬開下胃口先，生菜非常清爽，南瓜夠晒甜。然後要食我最鍾意食嘅海鮮，蝦🦐，蜆，蟹柳，螺🐚，帶子，蠔🦪，拎咗一大堆返黎慢慢烚。烚緊嘅期間就進攻熟食，燒菠蘿🍍，燒粟米，燒翠玉瓜，燒蝦，各種串燒都要少少。佢仲有好多其他嘅炸物，炸丸呀，春卷呀，薯餅等等，我真係食唔到咁多，就留返下次先啦！差唔多咁上下，海鮮都已經食得啦，開始肉食邊爐，牛肩胛肉好好味😋，豚肉唔會有好大浸羶臭味，淥一淥就食得，所以食左好多豚肉！