夢の丼 (已結業)

一直時不時都會行過呢間餐廳，不過見佢門面好似好神秘咁，所以雖然行過咗好多次，但都冇入過去試~ 今晚男友忽然好想食日本嘢，我就提議不如試下呢間，希望好食啦! 好彩都冇令我哋失望餐廳嘅食物選擇種類比預期多，本身以為剩係得壽司同丼飯，會以魚生為主~ 點知原來餐廳有熱嘅火鍋，啱晒一家大細，就算唔食生冷嘢嘅小朋友或者老人家都可以黎今次我同男友叫咗一個singnature夢之丼，一個迷你吞拿魚丼飯同火鍋，配料有好多菜之餘仲有牛肉同海鮮~ 所有魚生食落都好肥美鮮甜，最特別嘅係帆立貝唔係用豉油點，而係用一個店舖特製嘅類似檸檬醋點，味道比起用豉油點嘅更鮮甜，有驚喜壽司飯就比平時食開嘅偏酸，我個人幾鍾意佢夠開胃~ 總括黎講雖然餐廳唔算平但絕對值得一試