Bones & Blades (愉景廣場) (已結業)

放咗工見到呢間餐廳新開諗住試吓，都知道收費有返咁上下。但係估唔到最後係「black」店！！！先從餐牌上講價錢並非便宜，先坐下啦。侍應話可以到肉櫃揀牛扒，我哋揀嘅係400g重嘅紐西蘭和牛同埋一塊肉眼扒200g，係肉櫃嘅價錢加埋大概五百幾蚊。但係當買單嘅時候發覺張單淨係塊和牛$704塊肉眼扒$238。買單時候侍應態度惡劣咁佢話現場加工費要100%。侍應從開始一直都冇提示要收加工費，現場無論餐牌上牆壁上都沒有一張告示。後來喺回家途中睇討論區發覺已經好多人埋怨緊呢間舖頭收費㗎啦。自己中咗伏，希望喺呢度講出嚟等大家唔好步我後塵。愉景灣每個星期都咁多遊客幫襯，真係鄧佢哋好唔抵⋯⋯