麥兆記(祖傳)廣州雲吞麵 (琉璃街)

營業中

休息中

祖傳鮮蝦雲吞麵$48，白灼豬雜$118，價錢確係貴。呢到主打食雲吞麵，係必食之選。有4粒「散尾金魚」狀嘅雲吞，一口一粒，原隻鮮蝦，但欠缺嚼彈口感及蝦味🦐。蛋麵係用鴨蛋打成，麵條幼細如銀絲，煙韌富口感，完全無鹼水味，份量都唔少。湯底用上大地魚及蝦殼等熬製，清甜可口，加埋韮黃增添香味。白灼豬雜🐷有豬腰、豬膶、豬生腸、豬肉丸，全部都洗得好乾淨，可以放心食。豬雜富爽脆口感，但鮮味欠逢，記得連埋薑葱、辣椒豉油一齊食，増加味美。