后海灣小廚

營業中

休息中

今日父親節一家4口高高興興去呢間小廚食海鮮湯飯及咕嚕肉, 因呢兩樣之前食過都唔錯。當去到食完比錢既時候, 因今日係我個仔請我食所以由佢比錢。我叫佢記得同收錢既人攞泊車優惠。因為以前都係問佢哋攞番張蓋咗印既紙去路口停車場退錢。不過見個仔比錢好耐都未出嚟就入去睇吓, 原來收錢個4眼男用好差既態度講冇停車場飛就冇。我話停車場冇比飛我, 之前幾次都係講低車牌用張餐廳蓋個印既紙就得。個4眼男又用好差既態度話你幾時攞過點樣攞。我見佢態度咁差就費事理佢, 最多下次唔再去食。不過覺得好可惜明明一間好既店比呢啲態度咁差既人拖累了。