翠林茶餐廳 (已結業)

朝早個收銀大嬸長期都落錯單，堂食落錯單，打電話去叫外賣又落錯單，你話佢有問題佢仲惡過你，佢大大聲聲叫你叫老闆炒咗佢吖笨咁！平時中午去落外賣單又低頭喺到玩電話，玩到叫佢都冇反應，找錢又掉錢落枱，好似欠咗佢咁 試過有次打電話叫外賣，清楚地提醒咗佢我得500紙，需要找續，點知送外賣嗰個上到嚟根本唔知我有500紙，之後打返落去個大嬸話剛剛個電話唔係佢聽，收銀有幾多人熟客又點會唔知，真係當人係傻嘅 平時下午嗰幾個後生坐收銀有禮貌好多！起碼人地會唔該前唔該後，收咗你錢又會講返聲多謝晒！而家我見到個大嬸我都唔會再想行埋去買嘢食，打電話聽到佢把聲都會即刻收線