新南苑雞煲小菜點心 (已結業)

一開個時黎食過一次點心，當時新開質素控制得唔好，燒買一夾就散分開哂199，牛肉球全部都係粉，我地食唔落埋單走，待應主動問我地有咩可以改善，嗰陣都覺得嘢食唔好單服務態度好，會再幫襯。今日再去想食下午茶，落完單後收銀突然走埋黎問我地嗰個係常餐定特餐，我地講左好似係常餐（事實兩個餐食物差唔多），佢一句得埋黎你地係特餐囉我係個食客，唔記得係好正常，點解要咁串呢？隔一陣又走埋黎同我講「你個餐冇喇」，之後就行番去收銀到坐。大佬你做街坊生意，講真幾十蚊一餐唔會要求你顧客至上好好服務，但個客都冇需要受呢啲脾氣最後我好直接同收銀講，你態度真係好差！唔好意思，我唔係俾錢受你氣。