紅螞蟻

營業中

休息中

同屋企人夜晚入去食個晚飯，之前啲扒餐都尚算好食，而家D質素好一般，係個湯好飲同埋個麵包好食夠熱，啲牛扒好多筋位，又冇乜味，可能係今次咁唔好彩俾咗啲冇咁靚既位，以咁嘅價錢得過且過啦 埋單時戴眼鏡個女人收銀態度極度衰，好地地食餐飯都要受佢氣，之前食過兩次，見佢已經冇乜禮貌，今次係問佢兩句好似得罪咗佢咁，喺度嫌我哋煩，請着呢啲人係幫你間公司趕客㗎咋！一日見到呢個帶眼鏡女人係度都唔會再入去食架啦好地地一個晚飯俾佢搞到勁躁底，個商場咁多食肆就算去間冇咁好食既，都起碼係開開心心食餐飯 ，佢仲要坐喺收銀嘅位，其他侍應好好心招呼啲客 ，係俾佢臨尾埋門都激嬲啲客 ，真係辛苦晒其他侍應