稻香 (已結業)

對於稻香集團，一向存有好感，因為食物新鮮，服務ok；但荃灣城市廣場呢間，就完全冇好感。首先，地方迫迫的，其次，服務差，店員雞手鴨腳。今次好不幸，公司聚餐選中此店，點解唔去荃灣廣場店呢？包左一個房，共六圍，每圍$2388，一般貨，有乳豬、雞絲翅、雞．鮮、炒飯麵同甜品。味道係唔太差，特別條魚我最喜愛，其他都幾好食。但服務真係差，侍應放餸落嚟好似「劈」落嚟咁，換骨碟又唔係埋你身邊換，明明見你食緊野，又叫你拎個碟比佢，真係唔知咩時候做咩嘢！