Macelle (已結業)

復活節假期週日晚上四人晚餐實際地址同入口有點落差，門口並非在士丹頓街，要從些利街（Pure 隔離）後門進入。如果你搭扶手梯一定見到。環境比較迫夾，初初未開冷氣，所以有點熱。入到餐廳坐低，一路都冇斟水，服務質素參差。四個頭盤一個湯：湯唔夠熱，crab cake 太亁及口感硬。 Meat ball 好失望，Tuna Tartar 一般，蝦串燒可以一試。主莱 ： 斧頭扒一般，忘記上汁，要擾攘一番先至拎嚟，龍蝦尾無什驚喜。配菜薯條可以。沙律一般。甜品： 菜牌五樣得三樣有，又係一般。埋單唔肯收現金，一定要收卡。但有入座到餐牌都冇告示。寄語各位，如果你係望完呢間餐廳網頁嘅相而去幫襯，記住唔好抱太大期望。因為相片同實物有相當大嘅落差。